ការតវ៉ាប្រឆាំងចំពោះវិបត្តិសេដ្ឋកិច្ចនៅប្រទេសអ៊ីរ៉ង់ បានបន្តចូលដល់ថ្ងៃទី៦ហើយ បន្ទាប់ពីរូបិយប័ណ្ណរៀលបានធ្លាក់ចុះដល់កម្រិតទាបបំផុតមិនធ្លាប់មាន ប្រៀបធៀបនឹងប្រាក់ដុល្លារអាមេរិក។ អ្នកលក់ដូរ និងអាជីវករនៅទីក្រុងតេអេរ៉ង់បានបិទអាជីវកម្ម និងចូលរួមតវ៉ា ដើម្បីបង្ហាញការមិនពេញចិត្តចំពោះស្ថានភាពសេដ្ឋកិច្ច។
ប្រភពពីសារព័ត៌មានAl Jazeera នៅថ្ងៃទី៣ខែធ្នូឆ្នាំ២០២៦។
ការតវ៉ានេះបាននាំឲ្យមានការប៉ះទង្គិចគ្នារវាងក្រុមបាតុករ និងកម្លាំងសន្តិសុខ ដែលបណ្តាលឲ្យមានមនុស្សយ៉ាងហោចណាស់ ៧ នាក់ស្លាប់ និង ៤៤ នាក់ត្រូវបានចាប់ខ្លួន។ រដ្ឋាភិបាលរបស់ប្រធានាធិបតី Masoud Pezeshkian បានអំពាវនាវឱ្យមានសាមគ្គីភាពជាតិ និងបានសន្យាអនុវត្តកំណែទម្រង់សេដ្ឋកិច្ច និងពង្រឹងការប្រយុទ្ធប្រឆាំងអំពើពុករលួយ។
ទោះជាយ៉ាងណា ការតវ៉ានៅតែបន្ត និងបានពង្រីកពីបញ្ហាសេដ្ឋកិច្ចទៅជាការតវ៉ានយោបាយ ដោយភាពចលាចលបានរីករាលដាលទៅតាមតំបន់ផ្សេងៗទូទាំងប្រទេស។ ស្ថានការណ៍នេះកំពុងបង្ហាញពីការតានតឹងយ៉ាងខ្លាំងក្នុងសង្គមអ៊ីរ៉ង់ និងអនាគតមិនប្រាកដនៃស្ថិរភាពនយោបាយ និងសេដ្ឋកិច្ចរបស់ប្រទេស៕