រដ្ឋមន្ត្រីការពារជាតិវេណេស៊ុយអេឡា លោក Vladimir Padrino Lopez បានប្រកាសថាប្រទេសវេណេស៊ុយអេឡានិងប្រឆាំងយ៉ាងតឹងរឹងចំពោះវត្តមានកងទ័ពបរទេស បន្ទាប់ពីការកើនឡើងនៃសកម្មភាពយោធារបស់សហរដ្ឋអាមេរិក។
ប្រភពពីសារព័ត៌មានReuters នៅថ្ងៃទី៣ខែមករាឆ្នាំ២០២៦។
សេចក្តីថ្លែងការណ៍របស់លោក Padrino ត្រូវបានចេញផ្សាយក្នុងបរិបទដែលប្រធានាធិបតីអាមេរិក លោក Donald Trump អះអាងថា ប្រធានាធិបតីវេណេស៊ុយអេឡា លោក Nicolas Maduro ត្រូវបានចាប់ខ្លួន និងកំពុងត្រូវបានដកចេញពីប្រទេស។ លោក Padrino បានចោទប្រកាន់ថា ការវាយប្រហាររបស់សហរដ្ឋអាមេរិកនៅព្រឹកព្រលឹម បានវាយប្រហារទៅលើតំបន់ស៊ីវិល និងបណ្តាលឲ្យមានអ្នកស្លាប់ និងរបួស។
អាជ្ញាធរវេណេស៊ុយអេឡាបាននិយាយថា កំពុងប្រមូលព័ត៌មានលម្អិតអំពីការខូចខាត និងជនរងគ្រោះ ខណៈដែលប្រទេសបានរៀបចំក្បួនដង្ហែ និងការជួបជុំដើម្បីប្រឆាំងនឹងអ្វីដែលខ្លួនហៅថា ជាការជ្រៀតជ្រែកពីសហរដ្ឋអាមេរិក៕