អ្នកតស៊ូមតិសិទ្ធិប៉ាឡេស្ទីន និងអង្គការសង្គមស៊ីវិលនៅសហរដ្ឋអាមេរិក បានសរសើរអភិបាលក្រុងញូវយ៉ក លោក Zohran Mamdani បន្ទាប់ពីលោកបានលុបចោលក្រឹត្យដែលគាំទ្រអ៊ីស្រាអែល ត្រឹមតែប៉ុន្មានម៉ោងបន្ទាប់ពីការស្បថចូលកាន់តំណែងនៅថ្ងៃទី ១ ខែមករា ឆ្នាំ២០២៦។ ជំហាននេះបានបង្កឱ្យមានប្រតិកម្មខ្លាំងពីរដ្ឋាភិបាលអ៊ីស្រាអែល ដែលបានរិះគន់លោក Mamdani យ៉ាងតឹងរឹង។
ប្រភពពីសារព័ត៌មានAl Jazeera នៅថ្ងៃទី៣ខែមករាឆ្នាំ២០២៦។
នៅថ្ងៃដំបូងនៃអាណត្តិ លោក Mamdani បានលុបចោលបទបញ្ជាប្រតិបត្តិទាំងអស់ដែលអភិបាលក្រុងមុន លោក Eric Adams បានចេញបន្ទាប់ពីថ្ងៃទី ២៦ ខែកញ្ញា ឆ្នាំ២០២៤។ ក្នុងចំណោមនោះ មានបទបញ្ជាមួយដែលរឹតត្បិតការធ្វើពហិការអ៊ីស្រាអែល និងហាមឃាត់កិច្ចសន្យាណាដែលត្រូវបានចាត់ទុកថារើសអើងប្រឆាំងនឹងរដ្ឋអ៊ីស្រាអែល ឬពលរដ្ឋអ៊ីស្រាអែល៕