ប្រធានាធិបតីអាមេរិកលោក ដូណាល់ ត្រាំ នៅថ្ងៃទី៣ ខែមករា ឆ្នាំ២០២៦ បាននិយាយថា អាមេរិក នឹងគ្រប់គ្រងប្រទេសវ៉េណេស៊ុយអេឡា ជាបណ្ដោះអាសន្ន រហូតទាល់តែមាននយោបាយ អន្តរកាលមួយកើតឡើង។
យោធាអាមេរិក កាលពីយប់ជិតភ្លឺឈានចូលថ្ងៃទី០៣ខែធ្នូ ម៉ោងនៅអាមេរិក បានបើកប្រតិបត្តិការ ឆ្មក់ចូលចាប់ខ្លួនលោកប្រធានាធិបតី នីកូឡាស់ ម៉ាឌូរ៉ូ រួមនិងភរិយា បញ្ជូនទៅកាន់សហរដ្ឋអាមេរិក។
ប្រភពពីសារព័ត៌មាន AFP។
ថ្លែងនៅក្នុងសន្និសីទសារព័ត៌មាន លោក ត្រាំ បានគូសបញ្ជាក់ថា សហរដ្ឋអាមេរិកនឹងគ្រប់គ្រងវ៉េណេស៊ុយអេឡា រហូតទាល់តែដល់ពេលមួយដែលយើងអាចសម្រេចបាននូវការផ្ទេរអំណាចដោយសុវត្ថិភាព ត្រឹមត្រូវ និងយុត្តិធម៌។
លើសពីនេះទៅទៀតលោក ត្រាំ ក៏បានឱ្យដឹងដែរថារូបលោកនឹងអនុញាតឱ្យក្រុមហ៊ុនប្រេងអាមេរិកចូលទៅកាន់វ៉េណេស៊ុយអេឡា ដើម្បីបូមយកប្រេងបម្រុងទុក របស់វ៉េណេស៊ុយអេឡាផងដែរ។
លោក ត្រាំ និយាយថា លោកត្រៀមខ្លួនជាស្រេចសម្រាប់ការវាយប្រហារទ្រង់ទ្រាយធំលើកទី២ លើវ៉េណេស៊ុយអេឡា ក្នុងករណីចាំបាច់ណាមួយ៕