រុស្ស៊ី កាលពីថ្ងៃសៅរ៍ទី៣ ខែមករា ឆ្នាំ២០២៦ បានចេញមកថ្កោលទោសសហរដ្ឋអាមេរិក ដែលវាយប្រហារលើប្រទេសវ៉ណេស៊ុយអេឡា និងចាប់ខ្លួនលោក នីកូឡាស ម៉ាឌូរ៉ូ។
ប្រភពពីសារព័ត៌មាន AFP។
នៅក្នុងសេចក្ដីថ្លែងការណ៍ ក្រសួងការបរទេសរុស្ស៊ី បាននិយាយថា នៅព្រឹកនេះ(ថ្ងៃសៅរ៍) សហរដ្ឋអាមេរិក បានប្រព្រឹត្តសកម្មភាពឈ្លានពានប្រដាប់អាវុធប្រឆាំងនឹងវ៉េណេស៊ុយអេឡា ដែលបង្កឱ្យមានការព្រួយបារម្ភយ៉ាងខ្លាំង។
សហរដ្ឋអាមេរិក នៅថ្ងៃសៅរ៍ បានបើកការវាយប្រហារទ្រង់ទ្រាយធំ ប្រឆាំងនឹងវ៉េណេស៊ុយអេឡា និងបានចាប់ខ្លួនប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ និងភរិយា ។
លោក ត្រាំ ប្រកាសថា អាមេរិក នឹងគ្រប់គ្រងប្រទេសវ៉េណេស៊ុយអេឡា ជាបណ្ដោះអាសន្ន រហូតទាល់តែមាននយោបាយ អន្តរកាលមួយកើតឡើង៕