នៅថ្ងៃអាទិត្យ ទី៤ ខែមករា ឆ្នាំ ២០២៦ យោធាកូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលបាលីស្ទីគច្រើនគ្រាប់ ចេញពីរដ្ឋធានីព្យុងយ៉ាងឆ្ពោះទៅកាន់សមុទ្រ នៅឯឆ្នេរសមុទ្រភាគខាងកើតរបស់ខ្លួន។
ប្រភពពីសារព័ត៌មាន Reuters។
វាជាការបាញ់មីស៉ីលបាលីស្ទីគដំបូងរបស់កូរ៉េខាងជើងក្នុងរយៈពេលពីរខែនេះ ដែលធ្វើឡើងនៅពេលដែលប្រធានាធិបតីកូរ៉េខាងត្បូង លោក Lee Jae Myung ត្រូវធ្វើទស្សនកិច្ចផ្លូវរដ្ឋទៅកាន់ប្រទេសចិន។
គួរបញ្ជាក់ថា ប្រព័ន្ធផ្សព្វផ្សាយរដ្ឋរបស់កូរ៉េខាងជេីង បានរាយករណ៍ថាមេដឹកនាំ លោក គីម ជុងអ៊ុន បានអំពាវនាវឱ្យបង្កើនសមត្ថភាពទ្វេដងលេីការផលិតអាវុធកំណត់គោលដៅជាក់លាក់ ក្នុងដំណើរទស្សនកិច្ចរបស់លោកទៅកាន់រោងចក្រផលិតអាវុធកាលពីថ្ងៃសៅរ៍សប្តាហ៍នេះ៕