លោក អេម៉ាញូអែល ម៉ាក្រុង ប្រធានាធិបតីបារាំង ប្រកាសគាំទ្រមេដឹកនាំបក្សប្រឆាំងនៅប្រទេសវ៉េណេស៊ុយអេឡា និងស្នើឱ្យដោះលែងការពារអ្នកទោសនយោបាយ ក្រោយចាប់ខ្លួន លោក នីកូឡាស ម៉ាឌូរ៉ូ.។
លោក Emmanuel Macron បានបង្ហោះសារនៅលើបណ្តាញសង្គមX នៅថ្ងៃ៤ ខែមករាថា លោកបានសន្ទនាជាមួយមេដឹកនាំគណបក្សប្រឆាំងរបស់ប្រទេស វ៉េណេស៊ុយអេឡា ។
គឺលោកស្រី Maria Corina Machado ដោយប្រកាសគាំទ្រយ៉ាងពេញទំហឹងចំពោះការអំពាវនាវ របស់លោកស្រីសម្រាប់ការទាមទារឱ្យដោះលែង និងការពារអ្នកទោសនយោបាយ ទាំងអស់នៃរបបលោក Nicolás Maduro។
តាមការបង្ហោះលើប្រព័ន្ធ X លោក Macron បានសង្កត់ធ្ងន់ថា ប្រទេសបារាំងនឹងផ្ដល់ការគាំទ្រយ៉ាងពេញទំហឹងដល់ប្រជាជនវេណេស៊ុយអេឡា ដើម្បីជម្រុញឱ្យមានការផ្ទេរអំណាចដោយសន្តិវិធី ស្របតាមប្រព័ន្ធប្រជាធិបតេយ្យ និងគោរពយ៉ាងពេញលេញនូវឆន្ទៈរបស់ពលរដ្ឋវេណេស៊ុយអេឡាក្នុងដែនអធិបតេយ្យរបស់ខ្លួន៕