ប្រធានាធិបតីសហរដ្ឋអាមេរិក លោក Donald Trump បានថ្លែងថា មេដឹកនាំប្រឆាំងវេណេស៊ុយអេឡា លោកស្រី Maria Corina Machado មិនមានការគោរពគ្រប់គ្រាន់ពីប្រជាជនក្នុងប្រទេស ដើម្បីដឹកនាំរដ្ឋាភិបាលបន្ទាប់ពីការបណ្តេញប្រធានាធិបតី Nicolás Maduro ចេញពីអំណាច។
ប្រភពពីសារព័ត៌មានABCនៅថ្ងៃទី៤ខែមករាឆ្នាំ២០២៦។
ការថ្លែងនេះកើតឡើងបន្ទាប់ពីសហរដ្ឋអាមេរិកដឹកនាំប្រតិបត្តិការយោធា ដែលនាំឱ្យមានការចាប់ខ្លួនលោក Maduro និងភរិយា ហើយនាំទៅសហរដ្ឋអាមេរិក ដើម្បីប្រឈមមុខនឹងការចោទប្រកាន់ពាក់ព័ន្ធនឹងគ្រឿងញៀន។លោកស្រី Machado ដែលជាមេដឹកនាំប្រឆាំង និងជាជ័យលាភីរង្វាន់ណូបែលសន្តិភាពឆ្នាំ ២០២៥ បានសរសើរប្រតិបត្តិការនេះ និងហៅវាថាជាសេរីភាពសម្រាប់ប្រជាជនវេណេស៊ុយអេឡា។ នាងបានអំពាវនាវឱ្យប្រជាជន និងយោធា គាំទ្រការផ្លាស់ប្តូរប្រជាធិបតេយ្យ និងទទួលស្គាល់លោក Edmundo González Urrutia ជាប្រធានាធិបតីស្របច្បាប់។
ទោះជាយ៉ាងណា លោក Trump បានបញ្ជាក់ថា សហរដ្ឋអាមេរិកនឹងគ្រប់គ្រងប្រទេសវេណេស៊ុយអេឡា ជាបណ្ដោះអាសន្ន រហូតដល់មានការផ្លាស់ប្តូរអំណាចដោយសុវត្ថិភាព និងយុត្តិធម៌៕