លោក ដូណាល់ ត្រាំ បានប្រកាសជំហរលើប្រទេសវេណេស៊ុយអេឡា ដោយអះអាងថា អាមេរិក នឹងចូលគ្រប់គ្រងប្រទេសវេណេស៊ុយអេឡា ។
ដោយថាមពលសំខាន់ៗ គឺទុនបម្រុងប្រេងដ៏ធំជាងគេមួយក្នុងពិភពលោក ជំហរនេះបានបង្កើនភាព តានតឹងយ៉ាងខ្លាំងនៅលើឆាកអន្តរជាតិ និងបណ្តាលឲ្យពិភពលោកចាប់ផ្តើមភ្ញាក់ផ្អើលផងដែរ..!។
ប្រទេសវ៉េណេស៊ុយអេឡា មានប្រេងឆៅ ៣០៣ពាន់លានបារ៉ែល ដែលប្រហែលមួយភាគប្រាំ នៃទុនបម្រុងសកលរបស់ពិភពលោក។
ប្រេងឆៅដ៏ច្រើនសន្ធឹកសន្ធាប់ នឹងដើរតួនាទីយ៉ាងសំខាន់នៅក្នុងអនាគតរបស់អាមេរិក។
បាតុកម្មបាននិងកំពុងផ្ទុះឡើង ដោយមានអ្នកតវ៉ា នៅទូទាំងពិភពលោក បន្ទាប់ពីលោក ដូណាល់ ត្រាំ ប្រកាសថា អាមេរិក នឹងគ្រប់គ្រងប្រទេសវ៉េណេស៊ុយអេឡា ក្រោយចាប់ខ្លួនលោក នីកូឡាស ម៉ាឌូរ៉ូ និងភរិយា.!។
ក្រុមបាតុករពីទីក្រុងប៉ារីស ប្រទេសបារាំង ដល់ទីក្រុងសៅប៉ូឡូ ប្រទេសប្រេស៉ីល ថ្កោលទោសអ្វី ដែលពួកគេហៅថា ការឈ្លានពាន និងចក្រពត្តិនិយមរបស់អាមេរិក។
នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានសម្តែងការព្រួយបារម្ភយ៉ាងខ្លាំង ចំពោះការចាប់ខ្លួនលោកប្រធានាធិបតី នីកូឡាស់ ម៉ាឌូរ៉ូ និងភរិយា ដោយចាត់ទុកប្រតិបត្តិការយោធារបស់សហរដ្ឋអាមេរិកថា ជាការរំលោភច្បាប់អន្តរជាតិ។
បើតាមច្បាប់អន្តរជាតិ ប្រមុខរដ្ឋកំពុងកាន់អំណាច មិនអាចត្រូវបានចាប់ ឬឃុំខ្លួនដោយតុលាការប្រទេសផ្សេងបាននោះទេ ទោះបីជាករណីបទល្មើសមានលក្ខណៈធ្ងន់ធ្ងរយ៉ាងណាក៏ដោយ លុះត្រាតែមានករណីលើកលែងពិសេសដូចជា តុលាការអន្តរជាតិពិសេស ឬបន្ទាប់ពីផុតអំណាច។
សូមជម្រាបថា ប្រទេសវេណេស៊ុយអេឡា ស្ថិតនៅទ្វីបអាមេរិកខាងត្បូង មានផ្ទៃដី៩១៦.៤៤៥គីឡូម៉ែត្រការ៉េ និងមានប្រជាជនប្រមាណជា២៨លាននាក់៕