កាលពីថ្ងៃអាទិត្យ ទី៤ ខែមករា ឆ្នាំ២០២៦ រដ្ឋមន្រ្តីការពារជាតិវ៉េណេស៊ុយអេឡា លោក Vladimir Padrino បាននិយាយថា មួយភាគធំនៃកងការពារសន្តិសុខ របស់ប្រធានាធិបតីវ៉េណេស៊ុយអេឡា លោក Nicolas Maduro គឺត្រូវបានសម្លាប់ អំឡុងប្រតិបត្តិការយោធារបស់សហរដ្ឋអាមេរិក។
ប្រភពពីសារព័ត៌មាន Anadolu។
ក្រៅពីសមាជិកកងអង្គរក្ស លោក Padrino បាននិយាយថា កងកម្លាំងយោធាអាមេរិក ក៏បានសម្លាប់ទាហាន និងជនស៉ីវិលស្លូតត្រង់វ៉េណេស៊ុយអេឡា ក្នុងប្រតិបត្តិការរបស់ពួកគេ ផងដែរ។ យ៉ាងណាមិញ លោកមិនបានផ្តល់តួលេខជាក់លាក់តែម្តងឡើយ។
គួរបញ្ជាក់ថា ក្រោយអាមេរិកចាប់ខ្លួនលោក Maduro តុលាការកំពូលវ៉េណេស៊ុយអេឡា បានបង្គាប់ឱ្យអនុប្រធានាធិបតី លោកស្រី Delcy Rodriguez ឡើងកាន់តំណែងភ្លាមៗ ជាប្រធានាធិបតីស្តីទី៕