អ្នកវិភាគអន្តរជាតិព្រមានថា ការចាប់ពង្រត់ប្រធានាធិបតីវេណេស៊ុយអេឡា លោក Nicolas Maduro អាចនឹងបង្កើនហានិភ័យនៃជម្លោះយោធារវាងសហរដ្ឋអាមេរិក និងអ៊ីរ៉ង់។ សកម្មភាពនេះកើតឡើងបន្ទាប់ពីប្រធានាធិបតី Donald Trump បានជួបនាយករដ្ឋមន្ត្រីអ៊ីស្រាអែល Benjamin Netanyahu និងបានគំរាមបើកការវាយប្រហារថ្មីលើអ៊ីរ៉ង់។
ប្រភពពីសារព័ត៌មានAl Jazeera នៅថ្ងៃទី៥ខែមករាឆ្នាំ២០២៦។
អ្នកនយោបាយអ៊ីស្រាអែល Yair Lapid បានព្រមានទៅកាន់ទីក្រុង Tehran ឲ្យយកចិត្តទុកដាក់ចំពោះអ្វីដែលកើតឡើងនៅវេណេស៊ុយអេឡា ខណៈដែលមេដឹកនាំកំពូលអ៊ីរ៉ង់ Ayatollah Ali Khamenei បញ្ជាក់ថា អ៊ីរ៉ង់ នឹងមិនចុះចាញ់សត្រូវទេ។
សរុបមក អ្នកជំនាញយល់ឃើញថា ស្ថានការណ៍បច្ចុប្បន្នកំពុងធ្វើឲ្យអ៊ីស្រាអែល អ៊ីរ៉ង់ និងសហរដ្ឋអាមេរិក ខិតជិតទៅរកជម្លោះយោធាដែលអាចកើតមាន ប្រសិនបើមិនមានការកាត់បន្ថយភាពតានតឹងតាមផ្លូវការទូត៕