យ៉ាងហោចណាស់មនុស្ស ៣៥ នាក់ ត្រូវបានសម្លាប់ និងជាង ១,២០០ នាក់ត្រូវបានឃុំខ្លួន ក្នុងអំពើហិង្សាជុំវិញការតវ៉ាសេដ្ឋកិច្ចដែលកំពុងបន្តអស់រយៈពេលជាងមួយសប្តាហ៍នៅក្នុងប្រទេសអ៊ីរ៉ង់។ បាតុកម្មទាំងនេះបានរាលដាលដល់ជាង២៥០ទីតាំង ក្នុងខេត្ត២៧ក្នុងចំណោមខេត្ត៣១របស់ប្រទេស។
ប្រភពពីសារព័ត៌មានAPនៅថ្ងៃទី៦ ខែមករា ឆ្នាំ២០២៦។
យោងតាមទីភ្នាក់ងារព័ត៌មានសកម្មជនសិទ្ធិមនុស្សដែលមានមូលដ្ឋាននៅសហរដ្ឋអាមេរិក អ្នកតវ៉ា ២៩ នាក់ ក្នុងនោះមានកុមារ៤នាក់ និងសមាជិកកងកម្លាំងសន្តិសុខ២នាក់ ស្ថិតក្នុងចំណោមអ្នកស្លាប់។ ខណៈរដ្ឋាភិបាលអ៊ីរ៉ង់មិនបានចេញផ្សាយតួលេខផ្លូវការទេ។
ការតវ៉ានេះត្រូវបានចាត់ទុកថា ជាការតវ៉ាធំបំផុតនៅអ៊ីរ៉ង់ ចាប់តាំងពីឆ្នាំ ២០២២ បន្ទាប់ពីការស្លាប់របស់ Mahsa Amini។ វាបានផ្ទុះឡើងក្នុងបរិបទវិបត្តិសេដ្ឋកិច្ចធ្ងន់ធ្ងរ ការធ្លាក់តម្លៃរូបិយប័ណ្ណរៀល និងសម្ពាធពីទណ្ឌកម្មអន្តរជាតិ ខណៈភាពតានតឹងនយោបាយជាមួយសហរដ្ឋអាមេរិកក៏កំពុងកើនឡើងផងដែរ៕