ការចាប់ពង្រត់ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ បានបង្កឱ្យមានការតវ៉ា និងការថ្កោលទោសទាំងក្នុងតំបន់ និងអន្តរជាតិ ខណៈសមាជិកក្រុមប្រឹក្សាសន្តិសុខអង្គការសហប្រជាជាតិ រួមទាំងសម្ព័ន្ធមិត្តរបស់សហរដ្ឋអាមេរិកផងដែរ បានព្រមានថា សកម្មភាពនេះរំលោភច្បាប់អន្តរជាតិ និងអធិបតេយ្យភាពរដ្ឋ។
ប្រភពពីសារព័ត៌មានAl Jazeera នៅថ្ងៃទី៦ ខែមករា ឆ្នាំ២០២៦។
បាតុកម្មគាំទ្រលោក ម៉ាឌូរ៉ូ បានកើតឡើងនៅក្នុងប្រទេសជាច្រើន រួមទាំងប្រេស៊ីល ដែលប្រជាជនបានអំពាវនាវឱ្យដោះលែងមេដឹកនាំវេណេស៊ុយអេឡា និងថ្កោលទោសការឈ្លានពានរបស់សហរដ្ឋអាមេរិក។
ក្នុងការបង្ហាញខ្លួនលើកដំបូងនៅតុលាការសហព័ន្ធអាមេរិក លោក ម៉ាឌូរ៉ូ បាននិយាយថា លោកជាអ្នកទោសសង្គ្រាម និងបានបដិសេធការចោទប្រកាន់ពីបទជួញដូរគ្រឿងញៀន។ ទន្ទឹមនឹងនេះ ចលនាប្រឆាំងមួយចំនួននៅវេណេស៊ុយអេឡា បានទាមទារឱ្យដោះលែងអ្នកទោសនយោបាយរាប់រយនាក់ ដែលកំពុងជាប់ឃុំក្នុងប្រទេស៕