អ៊ីស្រាអែល បានបន្តពង្រីកសកម្មភាពយោធារបស់ខ្លួននៅភាគខាងត្បូងប្រទេសស៊ីរី ដោយយានយន្តយោធាចំនួន ១២ គ្រឿង បានចូលទៅក្នុងភូមិ Saida al-Golan ខេត្ត Quneitra ខណៈពេលដែលកងកម្លាំងរដ្ឋាភិបាលស៊ីរីបានប៉ះទង្គិចគ្នាជាមួយកងកម្លាំងប្រជាធិបតេយ្យស៊ីរី (SDF) ដែលដឹកនាំដោយជនជាតិឃឺដ និងគាំទ្រដោយសហរដ្ឋអាមេរិក នៅខេត្ត អាឡិបប៉ូ។
ប្រភពពីសារព័ត៌មានAl Jazeera នៅថ្ងៃទី៦ ខែមករា ឆ្នាំ២០២៦។
ការឈ្លានពាននេះកើតឡើងស្របពេលដែលគណៈប្រតិភូស៊ីរី និងអ៊ីស្រាអែល កំពុងធ្វើកិច្ចចរចានៅទីក្រុងប៉ារីស ក្រោមការសម្របសម្រួលរបស់សហរដ្ឋអាមេរិក។ អ្នកវិភាគ និងអ្នកសារព័ត៌មាន Al Jazeera បានរាយការណ៍ថា មាន “ចន្លោះធំ” រវាងគោលដៅរបស់ភាគីទាំងពីរ ដែលអ៊ីស្រាអែលត្រូវការរក្សាវត្តមានយោធានៅភាគខាងត្បូងស៊ីរី និងតំបន់ភ្នំ Hermon ខណៈស៊ីរីទាមទារឱ្យអ៊ីស្រាអែលដកទ័ពចេញ និងបញ្ចប់ការវាយប្រហារទាំងអស់៕