នៅថ្ងៃអង្គារ រញ្ជួយដីមួយបានកើតឡើងនៅភាគខាងលិចប្រទេសជប៉ុន ប៉ុន្តែមិនមានសេចក្តីរាយការណ៍អំពីការខូចខាតធ្ងន់ធ្ងរ ឬរបួសដែលគំរាមកំហែងដល់អាយុជីវិតនោះទេ។
អាជ្ញាធរបានបញ្ជាក់ថា មិនមានហានិភ័យនៃរលកយក្សស៊ូណាមិទេ។
ប្រភពពីសារព័ត៌មាន APនៅថ្ងៃអង្គារ ទី៦ ខែមករា ឆ្នាំ២០២៦
យោងតាមទីភ្នាក់ងារឧតុនិយមជប៉ុន (JMA) រញ្ជួយដីមានកម្រិត ៦.៤ រ៉ិចទ័រ បានវាយប្រហារនៅខេត្ត Shimane ភាគពាយ័ព្យប្រទេសជប៉ុន មានជម្រៅប្រហែល ១០ គីឡូម៉ែត្រ។
រដ្ឋធានី Matsue និងទីក្រុងជុំវិញ រួមទាំងតំបន់មួយចំនួនក្នុងខេត្ត Tottori ដែលនៅជិតខាង ស្ថិតក្នុងចំណោមតំបន់ដែលទទួលរងការរញ្ជួយខ្លាំងបំផុត។
នាយករដ្ឋមន្ត្រីជប៉ុន លោកស្រី Sanae Takaichi បានថ្លែងទៅកាន់អ្នកយកព័ត៌មាននៅការិយាល័យនាយករដ្ឋមន្ត្រី ក្នុងទីក្រុងតូក្យូ បន្ទាប់ពីកើតហេតុថា រដ្ឋាភិបាលកំពុងតាមដានស្ថានការណ៍យ៉ាងជិតស្និទ្ធ និងបានបញ្ជាឲ្យអាជ្ញាធរពាក់ព័ន្ធអនុវត្តវិធានការសុវត្ថិភាពជាបន្ទាន់៕