សហរដ្ឋអាមេរិក បានលើកឡើងថា ការប្រើប្រាស់កម្លាំងយោធា អាចជាជម្រើសមួយ ក្នុងការទទួលបានកោះ Greenland ។
ខណៈដែលប្រទេសអឺរ៉ុប និងកាណាដាបានបដិសេធយ៉ាងតឹងរ៉ឹង ចំពោះការគំរាមកំហែងនេះ ដោយអះអាងថា Greenland ជាទឹកដីរបស់ប្រជាជនខ្លួន និងស្ថិតក្រោមអធិបតេយ្យភាពរបស់ប្រទេសដាណឺម៉ាក។
ប្រភពពីសារព័ត៌មានAl Jazeera នៅថ្ងៃទី៧ ខែមករាឆ្នាំ២០២៦។
សេតវិមានបានបញ្ជាក់ថា ប្រធានាធិបតី Donald Trump មើលឃើញការទទួលបាន Greenland ជាអាទិភាពសន្តិសុខជាតិ ដើម្បីទប់ស្កាត់សត្រូវនៅតំបន់អាកទិក ហើយកំពុងពិភាក្សាជម្រើសជាច្រើន រួមទាំងការប្រើប្រាស់យោធា។ ការលើកឡើងនេះបានបង្កការព្រួយបារម្ភយ៉ាងខ្លាំងក្នុងចំណោមសម្ព័ន្ធមិត្ត NATO និងអឺរ៉ុប ដោយអាចធ្វើឱ្យទំនាក់ទំនងអន្តរជាតិកាន់តែតានតឹង និងបង្កជម្លោះជាមួយសម្ព័ន្ធមិត្តយូរអង្វែង៕