ប្រទេសចិន សម្រេចហាមឃាត់ រដ្ឋមន្ត្រីតៃវ៉ាន់ចំនួន២រូប មិនឱ្យចូលក្នុងប្រទេសចិននោះឡើយ ដោយចោទថា ពួកគេបានធ្វើសកម្មភាពទាក់ទងនឹងចលនាបំបែកខ្លួនតៃវ៉ាន់ ដែលបង្កការខឹងសម្បារយ៉ាងខ្លាំង ពីសំណាក់ទីក្រុងតៃប៉ិ.មកលើចិន។
ប្រភពពីសារព័ត៌មាន Reuters។
ទីក្រុងប៉េកាំង បានពណ៌នារដ្ឋមន្ត្រីមហាផ្ទៃរបស់កោះតៃវ៉ាន់ គឺលោកស្រី Liu Shyh-fang និងរដ្ឋមន្ត្រីអប់រំ លោក Cheng Ying-yao ជា អ្នកផ្តាច់ខ្លួនឯករាជ្យតៃវ៉ាន់ ។
ហេតុនេះហាមអ្នកទាំង២ រួមទាំងសាច់ញាតិរបស់ពួកគេ មិនឱ្យចូលប្រទេសចិន និងទៅកាន់ទីក្រុងហុងកុង និងម៉ាកាវ។
*ជាការឆ្លើយតប ទីក្រុងតៃប៉ិ អះអាងថា ខ្លួនមិនចុះញ៉ម ចំពោះការគំរាមកំហែង និងបំភិតបំភ័យនោះឡើយ!។
អ្នកនាំពាក្យការិយាល័យតំណាងកិច្ចការតៃវ៉ាន់នៃរដ្ឋចិន លោក Chen Binhua បាននិយាយថា មកដល់ពេលនេះ ចិន បានចុះបញ្ជីមនុស្ស១៤នាក់ជាអ្នកបំបែកខ្លួន។
ក្នុងនោះ រួមមានមេដឹកនាំរងតៃវ៉ាន់ លោកស្រី Hsiao Bi-khim ប្រធានក្រុមប្រឹក្សាសន្តិសុខជាតិរបស់កោះតៃវ៉ាន់ លោក Joseph Wu និងរដ្ឋមន្ត្រីការពារជាតិ លោក Wellington Kooផងដែរ៕
