អាមេរិក នៅថ្ងៃអង្គារទី៦ ខែមករា ឆ្នាំ២០២៦ បានប្រកាសគាំទ្រ ការធានាសន្តិសុខសម្រាប់អ៊ុយក្រែន.ការគាំទ្រនេះ ធ្វើឡើងក្នុងកិច្ចប្រជុំកំពូល នៃសម្ព័ន្ធមិត្តអឺរ៉ុបរបស់អ៊ុយក្រែន នៅទីក្រុងប៉ារីស។
ប្រភពពីសារព័ត៌មាន Reuters។
កិច្ចប្រជុំកំពូលមួយ ក្នុងទីក្រុងប៉ារីស រៀបចំដោយក្រុមចម្រុះនៃឆន្ទៈរបស់បណ្ដាប្រទេសអឺរ៉ុប ដែលបានសន្យាផ្ដល់ការធានាសន្តិសុខ សម្រាប់ទីក្រុងកៀវ នៅក្នុងករណីមានបទឈប់បាញ់ ឬកិច្ចព្រមព្រៀងសន្តិភាពណាមួយត្រូវបានឈានដល់ជាមួយរុស្ស៉ី។
ខុសប្លែកពីកិច្ចប្រជុំមុនៗ កិច្ចប្រជុំកាលពីថ្ងៃអង្គារក៏មានការចូលរួម ផងដែរពីបេសកជនពិសេសអាមេរិក លោក Steve Witkoff និងលោក Jared Kushner ដែលជាកូនប្រសាររបស់លោក ដូណាល់ ត្រាំ។
លោក Witkoff ដែលទទួលបន្ទុកដឹកនាំកិច្ចចរចាជាមួយរុស្ស៊ី បាននិយាយនៅក្រោយកិច្ចប្រជុំថាលោក ត្រាំ គាំទ្រយ៉ាងរឹងមាំដល់ការធានាសន្តិសុខ។
ពិធីសារសន្តិសុខមានគោលដៅ ដើម្បីកំញើញទប់ស្កាត់ការវាយប្រហារណាមួយនៅពេលអនាគតក្នុងប្រទេសអ៊ុយក្រែន ហើយប្រសិនបើមានការវាយប្រហារណាមួយ នោះវានឹងតម្រូវឱ្យមានការពារ។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានលើកឡើងនៅក្នុងការបង្ហោះសារមួយលើ Telegram ក្រោយកិច្ចប្រជុំនៅប៉ារីស ថា សន្យាធានាសន្តិសុខ គឺជាការបញ្ជាឱ្យឃើញ ពីភាពប្រាកដប្រជារបស់អឺរ៉ុប និងក្រុមចម្រុះនៃឆន្ទៈទាំងមូលដែលត្រៀមខ្លួនដើម្បីធ្វើការស្វែងរកការធានាសន្តិសុខយ៉ាងពិតប្រាកដមួយ។
លោកបន្ថែមថា គេនៅត្រូវរង់ចាំមើលសិនថាតើ ការតាមដានការអនុវត្តបទឈប់បាញ់ណាមួយនឹងត្រូវធ្វើឡើងយ៉ាងដូចម្ដេច និងថាតើកងទ័ពអ៊ុយក្រែននឹងទទួលបានការគាំទ្រ និងជំនួយហិរញ្ញវត្ថុដូចម្ដេច៕