ននៅ(ថ្ងៃពុធទី៧ ខែមករា) ប្រមុខយោធាអ៊ីរ៉ង់ ចេញមុខព្រមានថា អ៊ីរ៉ង់នឹងមិននៅឈរស្ងៀមឡើយ ដែលរងការគំរាមកំហែង ពីសហរដ្ឋអាមេរិក និងអ៊ីស្រាអែល។
ប្រភពពីព័ត៌មាន AFP ។
ប្រព័ន្ធផ្សព្វផ្សាយរដ្ឋអ៊ីរ៉ង់ រាយការណ៍ថា អគ្គមេបញ្ជាការកងទ័ពអ៊ីរ៉ង់ លោកឧត្តមសេនីយ៍ Amir Hatami លើកឡើងថា ប្រទេសអ៊ីរ៉ង់ ចាត់ទុកសម្តីពោរពេញដោយអរិភាព ប្រឆាំងមកលើប្រជាជាតិអ៊ីរ៉ង់ គឺជាការគំរាមកំហែងមួយ ដែលនឹងមិនអាចឱ្យមានបន្តទៅទៀត។
សូមជម្រាបថា ថ្មីនេះ ប្រធានាធិបតីអាមេរិក លោក ដូណាល់ ត្រាំ បានគំរាមធ្វើអន្តរាគមន៍នៅប្រទេសអ៊ីរ៉ង់។
ប្រសិនបើបាតុករ កាន់តែច្រើនត្រូវបានសម្លាប់ ខណៈនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ បានបង្ហាញសំឡេងគាំទ្រចំពោះការធ្វើបាតុកម្ម។
អាមេរិកនិងអ៊ីស្រាអែល ដែលជាសម្ព័ន្ធមិត្តចាក់ទឹកមិនលិច បានរួមគ្នាវាយប្រហារលើអ៊ីរ៉ង់ ក្នុងសង្រ្គាមផ្លូវអាកាស កាលពីខែមិថុនា ឆ្នាំ២០២៥ ផ្តោតលើទីតាំងចម្រាញ់សារធាតុនុយក្លេអ៊ែរអ៊ីរ៉ង់៕