រដ្ឋាភិបាលជប៉ុន នៅ(ថ្ងៃពុធទី០៧ខែមករា) បានថ្កោលទោសយ៉ាងខ្លាំងចំពោះការសម្រេចចិត្តរបស់ចិន ក្នុងការហាមឃាត់ការនាំចេញទំនិញប្រើប្រាស់ពីរគោលដៅ សម្រាប់យោធាជប៉ុន ដោយជប៉ុន ចាត់ទុកថា ជាទង្វើ មិនអាចទទួលយកបាន។
សារព័ត៌មាន Reuters។
គណៈរដ្ឋមន្ត្រីជប៉ុន លោក មីណូរុ គីហារ៉ា (Minoru Kihara) បានថ្លែងថា វិធានការបែបនេះ ដែលផ្តោតគោលដៅតែមកលើប្រទេសរបស់យើង ខុសប្លែកយ៉ាងខ្លាំងពីការអនុវត្តអន្តរជាតិ ហើយជារឿងគួរឱ្យសោកស្តាយបំផុត។
ជម្លោះបានផ្ទុះឡើង បន្ទាប់ពីនាយករដ្ឋមន្ត្រីជប៉ុន លោកស្រី សាណាអេ តាកៃឈិ បានព្រមានថា ការវាយប្រហាររបស់ចិនលើតៃវ៉ាន់ អាចចាត់ទុកជាការគំរាមកំហែងដល់អាយុជីវិត របស់ជាតិជប៉ុន។
ចិន បានទាមទារឱ្យដកពាក្យសម្តីនេះវិញ ប៉ុន្តែមិនទទួលបានលទ្ធផល ទើបឈានដល់ការដាក់ចេញវិធានការសងសឹកផងដែរ។
ការហាមឃាត់នេះ ធ្វើឱ្យសន្ទស្សន៍ហ៊ុន Nikkei របស់ជប៉ុនធ្លាក់ចុះប្រហែល ១% នៅថ្ងៃពុធ ។
ខណៈភាគហ៊ុន របស់ក្រុមហ៊ុនម៉ៅការយោធាធំៗដូចជា Kawasaki Heavy និង Mitsubishi Heavy បានធ្លាក់ចុះប្រហែល២%៕