ប្រធានាធិបតីសហរដ្ឋអាមេរិក លោក Donald Trump បានគាំទ្រសេចក្តីព្រាងច្បាប់ពីរគណបក្ស ដែលមានបំណងដាក់ទណ្ឌកម្មលើប្រទេសដែលបន្តទិញប្រេងពីរុស្ស៊ី រួមមានប្រទេសចិន និងឥណ្ឌា។ ប្រភពពីសារព័ត៌មានAl Jazeera នៅថ្ងៃទី៨ខែមករាឆ្នាំ២០២៦។
សេចក្តីព្រាងច្បាប់នេះ នឹងផ្តល់អំណាចឱ្យប្រធានាធិបតីអាមេរិក ដាក់ពន្ធនាំចូលរហូតដល់ ៥០០ ភាគរយលើប្រទេសណាដែលធ្វើពាណិជ្ជកម្មជាមួយវិស័យថាមពលរបស់រុស្ស៊ី។
លោក Graham បានលើកឡើងថា ច្បាប់នេះមានគោលបំណងបង្កើនសម្ពាធលើប្រទេសដែលទិញប្រេងរុស្ស៊ីថោកៗ ដើម្បីកាត់បន្ថយហិរញ្ញប្បទានសម្រាប់សង្គ្រាមរបស់ប្រធានាធិបតី Vladimir Putin នៅអ៊ុយក្រែន។ បច្ចុប្បន្ន ប្រទេសចិន និងឥណ្ឌា ជាអ្នកទិញប្រេងធំៗបំផុតរបស់រុស្ស៊ី ទោះបីជាមានទណ្ឌកម្មពីសហរដ្ឋអាមេរិក និងអឺរ៉ុបក៏ដោយ៕