លោក Lee Jae Myung ប្រធានាធិបតីកូរ៉េខាងត្បូង នឹងធ្វើទស្សនកិច្ចទៅកាន់ប្រទេសជប៉ុន ចាប់ពីថ្ងៃទី១៣ ដល់ថ្ងៃទី១៤ ខែមករា ឆ្នាំ២០២៦ ដើម្បីចូលរួមក្នុងកិច្ចប្រជុំកំពូល ជាមួយនាយករដ្ឋមន្ត្រីជប៉ុន លោកស្រី Sanae Takaichi។
សារព័ត៌មាន Reuters។
ការិយាល័យប្រធានាធិបតីកូរ៉េខាងត្បូងបាននៅក្នុងសេចក្ដីថ្លែងការណ៍នៅថ្ងៃសុក្រទី៩ ខែមករា ថាលោក Lee និងលោកស្រី Takaichi នឹងចូលរួមក្នុងកិច្ចប្រជុំកំពូលមួយ ក្នុងទីក្រុង Nara នៅថ្ងៃទី១៣ ខែមករា រួមជាមួយពិធីលាងសាយភោជន៍ ជាទីដែលមេដឹកនាំទាំង២ត្រូវបានរំពឹងថានឹងពិភាក្សាអំពីកិច្ចការក្នុងតំបន់ និងពិភពលោក រួមទាំងសេដ្ឋកិច្ច និងបញ្ហាសង្គម។
មេដឹកនាំនៃប្រទេសទាំង២ នឹងត្រូវចូលរួមព្រឹត្តិការណ៍ការទូត ជាមួយគ្នាផងដែរ ហើយលោក Lee នឹងមានជំនួបដាច់ដោយឡែកជាមួយពលរដ្ឋ កូរ៉េខាងត្បូងដែលកំពុងរស់នៅ ក្នុងប្រទេសជប៉ុន។
តាមសេចក្ដីថ្លែងការណ៍បន្ថែមថាកិច្ចប្រជុំកំពូលនេះ មានបំណងពង្រឹងគោលដៅនៃការអភិវឌ្ឍទំនាក់ទំនងរវាងកូរ៉េខាងត្បូង និងជប៉ុន៕