រដ្ឋាភិបាលសហរដ្ឋអាមេរិកបានប្រកាសថា ខ្លួនមានគោលបំណងគ្រប់គ្រងការលក់ប្រេងរបស់ប្រទេសវេណេស៊ុយអេឡាដោយគ្មានកំណត់ ដើម្បីប្រើឥទ្ធិពលជំរុញការផ្លាស់ប្តូរនយោបាយនៅប្រទេសនោះ។
ប្រភពពីសារព័ត៌មានAl Jazeera នៅថ្ងៃទី៩ខែមករាឆ្នាំ២០២៦។
ការអះអាងនេះត្រូវបានធ្វើឡើងបន្ទាប់ពីកងកម្លាំងអាមេរិកចាប់ពង្រត់ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ និងការប្រកាសកិច្ចព្រមព្រៀងឲ្យវេណេស៊ុយអេឡាប្រគល់ប្រេងរាប់សិបលានបារ៉ែលទៅឲ្យសហរដ្ឋអាមេរិកដើម្បីលក់។
មន្ត្រីអាមេរិកអះអាងថា ការគ្រប់គ្រងប្រេងអាចធ្វើទៅបាន តាមរយៈអំណាចរដ្ឋ និងសម្ពាធនយោបាយ។ ទន្ទឹមនឹងនេះ នាយកប្រតិបត្តិក្រុមហ៊ុនប្រេងធំៗ ដូចជា ExxonMobil, Chevron និង ConocoPhillips ត្រូវបានរំពឹងថានឹងជួបប្រធានាធិបតី Donald Trump ដើម្បីពិភាក្សាអំពីការវិនិយោគនៅវេណេស៊ុយអេឡា៕