មេដឹកនាំកំពូលអ៊ីរ៉ង់ លោកAyatollah Ali Khamenei បានអំពាវនាវឲ្យមានសាមគ្គីភាពជាតិ ខណៈការតវ៉ាទ្រង់ទ្រាយធំបន្តរង្គោះរង្គើទីក្រុងតេអេរ៉ង់ និងតំបន់ផ្សេងៗ ដោយព្រមានថាអាជ្ញាធរនឹងបង្ក្រាបភាពចលាចលដោយមិនអត់ឱន។
ប្រភពពីសារព័ត៌មានAl Jazeera នៅថ្ងៃទី៩ខែមករាឆ្នាំ២០២៦។
ក្នុងសុន្ទរកថាផ្សាយតាមទូរទស្សន៍រដ្ឋ លោកបានចោទប្រកាន់ថាការតវ៉ាជាផែនការរបស់សត្រូវបរទេសជាពិសេសសហរដ្ឋអាមេរិក។
ការតវ៉ាបានផ្ទុះឡើងចាប់តាំងពីថ្ងៃទី 28 ខែធ្នូ ដោយមានមូលហេតុចម្បងពីវិបត្តិសេដ្ឋកិច្ច និងការធ្លាក់តម្លៃយ៉ាងខ្លាំងនៃរូបិយប័ណ្ណរៀល។ របាយការណ៍បញ្ជាក់ថា មានបាតុកររាប់សិបនាក់ និងសមាជិកកងកម្លាំងសន្តិសុខយ៉ាងហោចណាស់ 4 នាក់ត្រូវបានសម្លាប់។
អាជ្ញាធរអ៊ីរ៉ង់បានអនុវត្តវិធានការតឹងរឹង រួមមានការកាត់ផ្តាច់អ៊ីនធឺណិត បិទបណ្តាញទូរស័ព្ទ ការលុបចោលជើងហោះហើរ និងការរឹតបន្តឹងសន្តិសុខ ដើម្បីទប់ស្កាត់ចលនាតវ៉ា។ ខណៈប្រធានាធិបតី Masoud Pezeshkian អំពាវនាវឲ្យអត់ធ្មត់៕