យោធាអ៊ីស្រាអែល បានប្រកាសកាលពី(ថ្ងៃសុក្រទី៩ខែមករា)ថា ខ្លួនបានវាយប្រហារគោលដៅរបស់ក្រុមហេសបូឡា នៅតំបន់ជាច្រើន ក្នុងប្រទេសលីបង់។ បន្ទាប់ពីកងទ័ពលីបង់ បានប្រកាសថា ពួកគេបញ្ចប់ដំណាក់កាលទី១ នៃផែនការដកហូតអាវុធក្រុមនេះ នៅភាគខាងត្បូង។ សារព័ត៌មាន AFP។
យោធាអ៊ីស្រាអែល បញ្ជាក់ថា ការវាយប្រហារ បានកំណត់គោលដៅលើឃ្លាំងអាវុធ កន្លែងផលិតអាវុធ និងទីតាំងបាញ់គ្រាប់រ៉ុក្កែតនៅតំបន់ភាគខាងត្បូង និងតំបន់ បេកា (Bekaa) ភាគខាងកើត។
អ៊ីស្រាអែលចោទថា ទីតាំងទាំងនេះត្រូវបានប្រើប្រាស់សម្រាប់ការស្តារកម្លាំងយោធារបស់ហេសបូឡា ឡើងវិញ ដែលជាការរំលោភលើកិច្ចព្រមព្រៀង និងបង្កការគំរាមកំហែងដល់រដ្ឋអ៊ីស្រាអែល.!។
ទោះបីជាកងទ័ពលីបង់ បានអះអាងពីភាពជោគជ័យ ក្នុងការដកហូតអាវុធនៅតំបន់ភាគខាងត្បូងទន្លេ លីតានី (Litani River) ក៏ដោយ ។
ការិយាល័យនាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ បានឆ្លើយតបថា កិច្ចខិតខំប្រឹងប្រែងនេះគឺជាការចាប់ផ្តើមដ៏គួរឱ្យលើកទឹកចិត្ត ប៉ុន្តែនៅមិនទាន់គ្រប់គ្រាន់នៅឡើយទេ…ហេសបូឡាត្រូវតែដកហូតអាវុធទាំងស្រុង។
ក្រោមកិច្ចព្រមព្រៀងបទឈប់បាញ់ខែវិច្ឆិកា ឆ្នាំ២០២៤ ហេសបូឡា ត្រូវដកកងកម្លាំងទៅភាគខាងជើងទន្លេលីតានី៕