ឧត្តមសេនីយ៍ចូលនិវត្តន៍ លោកJack Keane ដែលជាអ្នកវិភាគយុទ្ធសាស្ត្រជាន់ខ្ពស់របស់ Fox News បានព្រមានឱ្យអ៊ីរ៉ង់ចាត់ទុកការព្រមានរបស់ប្រធានាធិបតីអាមេរិក Donald Trump ថាជារឿងដ៏ធ្ងន់ធ្ងរ ខណៈដែលបាតុកម្មប្រឆាំងរដ្ឋាភិបាលនៅអ៊ីរ៉ង់បានបន្តចូលសប្តាហ៍ទីពីរ និងមានការបង្ក្រាបដោយកម្លាំងសន្តិសុខ។
ប្រភពពីសារព័ត៌មានFox New។
លោក Keane ថ្លែងថា របបអ៊ីរ៉ង់ស្ថិតនៅក្នុង ចំណុចខ្សោយបំផុត ក្នុងរយៈពេល ៤៥ ឆ្នាំ ដោយសារបរាជ័យផ្នែកនយោបាយ សេដ្ឋកិច្ច និងយោធា ហើយមិនមានសញ្ញានៃការងើបឡើងវិញឡើយ។ លោកបញ្ជាក់ថា រដ្ឋាភិបាលអ៊ីរ៉ង់មិនអាចបំពេញតាមតម្រូវការសង្គម នយោបាយ និងសេដ្ឋកិច្ចរបស់ប្រជាពលរដ្ឋបាន ខណៈសេដ្ឋកិច្ចកំពុងធ្លាក់ចុះយ៉ាងខ្លាំង។
សូមបញ្ជាក់ថា៖ ការព្រមាននេះកើតឡើងបន្ទាប់ពីលោក Trump បានបង្ហោះសារលើ Truth Social ថា សហរដ្ឋអាមេរិកត្រៀមខ្លួនរួចជាស្រេចប្រសិនបើរបបអ៊ីរ៉ង់ប្រើអាវុធបាញ់សម្លាប់អ្នកតវ៉ា៕