(បន្ទាយមានជ័យ)៖ នៅព្រឹកថ្ងៃទី១០ ខែមករា ឆ្នាំ២០២៦ លោក អ៊ុំ រាត្រី អភិបាល ខេត្តបន្ទាយមានជ័យ សម្របសម្រួលជូនក្រុមអ្នកសង្កេតការណ៍អាស៊ានAOT ។
ដើម្បីចុះពិនិត្យផលប៉ះពាល់ ដោយសារយោធាថៃ ឈ្លានពានដែនអធិបតេយ្យភាពកម្ពុជា ជាលេីកទី២ ប្រើប្រាស់អាវុធធុនធ្ងន់ផ្លោងចូល មកក្នុងភូមិសាស្ត្រតំបន់បឹងត្រកួន រយៈពេល២១ថ្ងៃកន្លងទៅ ។
បណ្តាលឱ្យរងការខូចខាតហេដ្ឋារចនាសម្ព័ន្ធ ក៏ដូចជាផ្ទះសម្បែង និងទ្រព្យសម្បត្តិប្រជាពលរដ្ឋយ៉ាងដំណំ និងបានដាក់ទូកុងតឺន័រ បន្លាលួស ព័ទ្ធយកដី និងផ្ទះសម្បែង របស់ប្រជាពលរដ្ឋ។
លោកអភិបាលខេត្ត បានបន្តសម្របសម្រួលដល់ក្រុមការងារក្រសួងការពារជាតិ និងក្រុមអ្នកអង្កេតការណ៍អាស៊ាន ។
ចុះពិនិត្យមើលដោយផ្ទាល់នៅទីតាំងជនភៀសសឹកក្នុងភូមិសាស្រ្តស្រុកថ្មពួក ជាង១.០០០គ្រួសារ.ដែលកំពុងស្នាក់នៅបណ្ដោះអាសន្ន ខណៈ ដែលផ្ទះសម្បែងរបស់ពួកគាត់ ត្រូវបានយោធាថៃ ដាក់ទូកុងតឺន័រ បន្លាលួស ព័ទ្ធយក៕