នៅថ្ងៃទី១១ ខែមករានេះទីភ្នាក់ងារព័ត៌មានរដ្ឋកូរ៉េខាងជើង KCNA បានរាយការណ៍ថា អ្នកនាង Kim Yo Jong ដែលជាប្អូនស្រីដ៏មានឥទ្ធិពលរបស់មេដឹកនាំ លោក គីម ជុងអ៊ុន ទទូចឱ្យកូរ៉េខាងត្បូង ស៊ើបអង្កេតឧប្បត្តិហេតុយន្តហោះដ្រូន នាពេលថ្មីៗនេះ ដើម្បីផ្តល់ការបកស្រាយលម្អិត។
ព័ត៌មាន Reuters ។
នាង Kim បាននិយាយថា ខ្លួនអ្នកនាងផ្ទាល់កោតសរសើរទីក្រុងសេអ៊ូល ដែលបានធ្វើការសម្រេចចិត្តប្រសើរមួយ។
ដោយប្រកាសគោលជំហរជាផ្លូវការថា គ្មានចេតនាបង្កហេតុ ហើយអ្នកនាងបានព្រមានថា ការបង្កហេតុណាមួយ នឹងបង្កឱ្យមានស្ថានការណ៍ដ៏អាក្រក់ជាក់ជាមិនខាន។
កាលពីថ្ងៃសៅរ៍ យោធាកូរ៉េខាងជើង និយាយថា យន្តហោះដ្រូនមួយចំនួន បានហោះចេញពីកូរ៉េខាងត្បូង ចូលមកកូរ៉េខាងជើង ក្រោយករណីទន្ទ្រានមួយផ្សេងទៀត កាលពីខែកញ្ញា ឆ្នាំ២០២៥។
ក្រោយការអះអាងបែបនោះ កូរ៉េខាងត្បូងបានចេញមុខឆ្លើយតបភ្លាមៗថា ពួកវាមិនមែនធ្វើប្រតិបត្តិការ ដោយយោធារបស់ខ្លួនឡើយ។
កូរ៉េខាងត្បូង និយាយដែរថា នឹងមានការស៊ើបអង្កេតល្អិតល្អន់ ចំពោះករណីអាចជាជនស៊ីវិលបង្ហោះដ្រូនទាំងនោះ ហើយបានបញ្ជាក់ពីគោលជំហរយ៉ាងច្បាស់របស់ខ្លួនថា ពុំមានចេតនាបង្កហេតុណាមួយទេ៕