អាជ្ញាធរលីបង់បានឲ្យដឹងថា កងកម្លាំងអ៊ីស្រាអែលបានធ្វើការវាយប្រហារជាបន្តបន្ទាប់នៅភាគខាងត្បូងប្រទេសលីបង់ កាលពីថ្ងៃទី 11 ខែមករា ឆ្នាំ 2026 ដែលបានបណ្ដាលឲ្យពលរដ្ឋម្នាក់ស្លាប់ និងបង្កការខូចខាតយ៉ាងធ្ងន់ធ្ងរដល់អគារជាច្រើន។
ប្រភពពីសារព័ត៌មានAl Jazeera នៅថ្ងៃទី១២ខែមករាឆ្នាំ២០២៦។
ក្រសួងសុខាភិបាលលីបង់បានបញ្ជាក់ថា ការវាយប្រហារលើរថយន្តមួយនៅទីក្រុង Bint Jbeil បានសម្លាប់ពលរដ្ឋម្នាក់ ខណៈយោធាអ៊ីស្រាអែលអះអាងថា គោលដៅគឺជាសមាជិកក្រុម Hezbollah ដែលត្រូវបានចោទប្រកាន់ថារំលោភលើបទឈប់បាញ់ ដែលបានព្រមព្រៀងគ្នានៅចុងឆ្នាំ 2024។
យោងតាមទីភ្នាក់ងារសារព័ត៌មានជាតិលីបង់ (NNA) យន្តហោះចម្បាំងអ៊ីស្រាអែលបានវាយប្រហារជាង 10 ដងលើតំបន់ Kfar Hatta ដែលស្ថិតនៅភាគខាងជើងទន្លេ Litani បណ្ដាលឲ្យអគារច្រើនរងការខូចខាតធ្ងន់ធ្ងរ៕