នៅថ្ងៃទី១២ ខែមករា ឆ្នាំ២០២៦ តុលាការយុត្តិធម៌អន្តរជាតិ (ICJ) ដែលជាតុលាការកំពូលរបស់អង្គការសហប្រជាជាតិ បានចាប់ផ្តើមសវនាការពេញលេញលើសំណុំរឿងប្រល័យពូជសាសន៍ប្រឆាំងនឹងប្រទេសមីយ៉ាន់ម៉ា ពាក់ព័ន្ធនឹងអំពើហិង្សាដ៏ធ្ងន់ធ្ងរលើជនជាតិភាគតិច រ៉ូហ៊ីងយ៉ា ដែលភាគច្រើនជាមូស្លីម។
ប្រភពពីសារព័ត៌មានAl Jazeera។
ករណីនេះត្រូវបានដាក់ប្តឹងដោយប្រទេស ហ្គាំប៊ី តាំងពីឆ្នាំ ២០១៩ បន្ទាប់ពីការវាយលុករបស់កងទ័ពមីយ៉ាន់ម៉ា ក្នុងឆ្នាំ ២០១៧ ដែលបានបង្ខំឲ្យជនជាតិរ៉ូហ៊ីងយ៉ាជាង ៧៣០,០០០–៧៥០,០០០ នាក់ រត់ភៀសខ្លួនទៅប្រទេសបង់ក្លាដែស។ ជនភៀសខ្លួនជាច្រើនបានរៀបរាប់ពីការសម្លាប់រង្គាល ការរំលោភសេពសន្ថវៈ និងការដុតបំផ្លាញភូមិសាស្ត្រ។
រដ្ឋមន្ត្រីយុត្តិធម៌ហ្គាំប៊ី Dawda Jallow បានប្រាប់ចៅក្រម ICJ ថា កងទ័ពមីយ៉ាន់ម៉ា បានកំណត់គោលដៅជនជាតិរ៉ូហ៊ីងយ៉ា “ដោយចេតនា” ក្នុងគោលបំណងបំផ្លាញសហគមន៍ទាំងមូល ដោយបញ្ជាក់ថា នេះមិនមែនជាបញ្ហាទ្រឹស្តីច្បាប់ទេ ប៉ុន្តែជាបញ្ហាជីវិតមនុស្សពិត៕