លោក ហ្វ្រេដរិច មឺស អធិការបតីអាល្លឺម៉ង់ បានប្រកាសនៅ(ថ្ងៃទី១២ខែមករា)ថា ការប្រើប្រាស់ ហិង្សាដ៏ឃោរឃៅ របស់អ៊ីរ៉ង់ប្រឆាំងនឹងក្រុមអ្នកតវ៉ា មិនមែនជាភាពខ្លាំងនោះទេ ប៉ុន្តែជាសញ្ញានៃភាពទន់ខ្សោយ។
សារព័ត៌មាន AFP។
ក្នុងអំឡុងពេលបំពេញទស្សនកិច្ច នៅប្រទេសឥណ្ឌា លោក មឺស បានថ្លែងថា យើងថ្កោលទោសអំពើហិង្សានេះយ៉ាងខ្លាំងក្លាបំផុត..អំពើហិង្សានេះត្រូវតែបញ្ចប់។
ក្រសួងការបរទេសអាល្លឺម៉ង់ បានបញ្ជាក់ថា ទីក្រុងប៊ែរឡាំង កំពុងបន្តជំរុញនៅក្នុងសហភាពអឺរ៉ុប ។
ដើម្បីដាក់បញ្ចូលកងកម្លាំងឆ្មាំបដិវត្តន៍អ៊ីស្លាម (IRGC) ទៅក្នុងបញ្ជីទណ្ឌកម្មភេរវកម្ម។
អាល្លឺម៉ង់ ក៏បានថ្កោលទោសយ៉ាងខ្លាំងចំពោះការកាត់ផ្តាច់អ៊ីនធឺណិតនៅក្នុងប្រទេសអ៊ីរ៉ង់ ដោយចាត់ទុកថាជាទង្វើ គួរឱ្យស្អប់ខ្ពើម៕