លោក ដូណាល់ ត្រាំ ប្រធានាធិបតីសហរដ្ឋអាមេរិក នៅថ្ងៃទី១៤ ខែមករា ឆ្នាំ២០២៦ បាននិយាយថា រូបលោកទទួលបានការធានាថា ការសម្លាប់ក្រុមបាតុករនៅក្នុងប្រទេសអ៊ីរ៉ង់ គឺត្រូវបានផ្អាកហើយ ។
បើតាមក្រុមឃ្លាំមើលសិទ្ធិមនុស្ស តួលេខចុងក្រោយនៃអ្នកស្លាប់ គឺមានចំនួនសរុបយ៉ាងហោចជាង៣.៤០០នាក់។
សារព័ត៌មាន AFP។
លោក ត្រាំ លើកឡើងម្តងហើយម្តងទៀតថា នឹងធ្វើអន្តរាគមន៍ជួយប្រជាជនអ៊ីរ៉ង់ ចំពោះមុខការបង្រ្កាបលើបាតុករ។
ដែលក្រុមសិទ្ធិមនុស្សអះអាងថា បានសម្លាប់មនុស្សយ៉ាងហោចណាស់ ៣.៤២៨នាក់។
ក្រៅពីអ្នកស្លាប់ មនុស្សជាង១០.០០០នាក់ ក៏ត្រូវបានចាប់ខ្លួនទៀតផង។
ក្នុងសេចក្តីប្រកាសមួយ នៅឯសេតវិមាន នាថ្ងៃពុធ លោក ត្រាំ បាននិយាយថា ឥឡូវនេះលោកទទួលបានការធានាពីប្រភពសំខាន់មួយនៅអ៊ីរ៉ង់ថា ទីក្រុងតេហេរ៉ង់ បានបញ្ឈប់ការសម្លាប់បាតុករហើយ ហើយគម្រោងប្រហារជីវិតអ្នកតវ៉ា ដែលត្រូវបានចាប់ខ្លួន ក៏នឹងមិនប្រព្រឹត្តទៅដែរ។
សូមជម្រាបថា ប្រទេសអ៊ីរ៉ង់ នៅពេលនេះបានបើកដែនអាកាសវិញហើយ បន្ទាប់បិទត្រឹមរយៈពេលប៉ុន្មានម៉ោង៕