ក្រុមប្រឹក្សាសន្តិសុខអង្គការសហប្រជាជាតិ (UNSC) បានបើកកិច្ចប្រជុំបន្ទាន់មួយនៅទីក្រុងញូវយ៉ក កាលពីថ្ងៃទី 15 ខែមករា ឆ្នាំ 2026 ដើម្បីពិភាក្សាអំពីការតវ៉ាដ៏សាហាវនៅក្នុងប្រទេសអ៊ីរ៉ង់ ចំពេលមានការគំរាមកំហែងអន្តរាគមន៍យោធាពីសហរដ្ឋអាមេរិក។
ប្រភពពីសារព័ត៌មានAl Jazeera នៅថ្ងៃទី១៦ខែមករា។
ក្នុងកិច្ចប្រជុំនេះ តំណាងអ៊ីរ៉ង់បានបដិសេធការចោទប្រកាន់ពីសហរដ្ឋអាមេរិក និងព្រមានថា អ៊ីរ៉ង់មិនស្វែងរកការប្រឈមមុខដាក់គ្នាទេ ប៉ុន្តែនឹងឆ្លើយតបយ៉ាងសមាមាត្រ និងស្របច្បាប់ ប្រសិនបើមានការឈ្លានពានណាមួយ ក្រោមមាត្រា 51 នៃធម្មនុញ្ញអង្គការសហប្រជាជាតិ។ អ៊ីរ៉ង់ក៏បានចោទប្រកាន់សហរដ្ឋអាមេរិកថា មានការចូលរួមក្នុងការជំរុញភាពចលាចលនៅក្នុងប្រទេសផងដែរ។
ផ្ទុយមកវិញ តំណាងសហរដ្ឋអាមេរិកបានរិះគន់យ៉ាងខ្លាំងចំពោះការបង្ក្រាបរបស់រដ្ឋាភិបាលអ៊ីរ៉ង់ ដោយបញ្ជាក់ថា ការដាច់អ៊ីនធឺណិតបានធ្វើឱ្យពិបាកក្នុងការផ្ទៀងផ្ទាត់ចំនួនអ្នកស្លាប់ និងការចាប់ខ្លួនពាក់ព័ន្ធនឹងការតវ៉ា ហើយអះអាងថា រដ្ឋាភិបាលអ៊ីរ៉ង់កំពុងភ័យខ្លាចប្រជាជនរបស់ខ្លួន៕