នៅថ្ងៃទី16 ខែមករា ឆ្នាំ2026 តុលាការកូរ៉េខាងត្បូង បានកាត់ទោសអតីតប្រធានាធិបតី Yoon Suk Yeol ឲ្យជាប់ពន្ធនាគាររយៈពេល ៥ឆ្នាំ ពាក់ព័ន្ធនឹងការប្រកាសច្បាប់អាជ្ញាសឹករយៈពេលខ្លីក្នុងខែធ្នូ ឆ្នាំ 2024 ដែលបានបង្កឲ្យមានភាពចលាចលនយោបាយ និងការតវ៉ាធំទូលាយទូទាំងប្រទេស។
ប្រភពពីសារព័ត៌មានAP។
តុលាការស្រុកកណ្តាលទីក្រុងសេអ៊ូលបានរកឃើញថា លោក Yoon បានប្រឌិតការប្រកាសច្បាប់អាជ្ញាសឹក និងបានរំលោភលើនីតិវិធីច្បាប់ ដោយគេចវេសពីកិច្ចប្រជុំគណៈរដ្ឋមន្ត្រីពេញលេញដែលច្បាប់តម្រូវ។
ករណីនេះគឺជាសាលក្រមដំបូងមួយក្នុងចំណោមសំណុំរឿងព្រហ្មទណ្ឌជាច្រើន ដែលបានបណ្តាលឲ្យលោកត្រូវចាប់ខ្លួន និងបណ្តេញចេញពីតំណែងប្រធានាធិបតី។
លោក Yoon បានការពារខ្លួនថា ក្រឹត្យអាជ្ញាសឹករបស់លោកមិនមានបំណងដាក់ប្រទេសឲ្យស្ថិតក្រោមការគ្រប់គ្រងយោធារយៈពេលវែងនោះទេ ប៉ុន្តែអ្នកស៊ើបអង្កេតបានចាត់ទុកថា វាជាការប៉ុនប៉ងបន្តអំណាច និងត្រូវបានចោទប្រកាន់ពីបទបះបោរ រំលោភអំណាច និងបទល្មើសព្រហ្មទណ្ឌផ្សេងៗ។ ការសម្រេចចុងក្រោយលើបទបះបោរដ៏ធ្ងន់ធ្ងរបំផុត ត្រូវរំពឹងថានឹងចេញនៅខែក្រោយ៕