រដ្ឋាភិបាលកាណាដា បានបញ្ជាក់ថាពលរដ្ឋកាណាដាម្នាក់បានស្លាប់នៅក្នុងប្រទេសអ៊ីរ៉ង់ ដោយសារសកម្មភាពរបស់អាជ្ញាធរអ៊ីរ៉ង់ នេះបើយោងតាមសេចក្តីថ្លែងការណ៍របស់រដ្ឋមន្ត្រីការបរទេស អានីតា អាណាន់ កាលពីថ្ងៃទី 15 ខែមករា ឆ្នាំ 2026។ ទោះជាយ៉ាងណា មន្ត្រីកាណាដាមិនបានបង្ហាញព័ត៌មានលម្អិតអំពីពេលវេលា ឬមូលហេតុនៃការស្លាប់នោះទេ។
ប្រភពពីសារព័ត៌មានReuters។
លោកស្រី អាណាន់ បានថ្លែងថា ការតវ៉ាដោយសន្តិវិធីរបស់ប្រជាជនអ៊ីរ៉ង់ ដើម្បីទាមទារសិទ្ធិ និងសេរីភាព ត្រូវបានរបបអ៊ីរ៉ង់បង្ក្រាបយ៉ាងឃោរឃៅ ដោយបង្ហាញពីការមិនគោរពជីវិតមនុស្ស និងការរំលោភសិទ្ធិមនុស្សដែលកំពុងបន្ត។ ករណីនេះបានបង្កការព្រួយបារម្ភថ្មីៗអំពីស្ថានការណ៍សិទ្ធិមនុស្សនៅអ៊ីរ៉ង់ ក្នុងខណៈដែលសហគមន៍អន្តរជាតិកំពុងតាមដានយ៉ាងជិតស្និទ្ធ៕