មេដឹកនាំកំពូលម្នាក់របស់អ៊ីរ៉ង់ បានអំពាវនាវឱ្យប្រើទោសប្រហារជីវិត ចំពោះក្រុមបាតុករដែលត្រូវបានឃុំខ្លួន ខណៈដែលការតវ៉ាទូទាំងប្រទេសបន្តធ្ងន់ធ្ងរ ប្រឆាំងនឹងរបបអ៊ីស្លាម។
ប្រភពពីសារព័ត៌មានFoxnew នៅថ្ងែទី១៧ ខែមករា ឆ្នាំ២០២៦។
លោកAyatollah Ahmad Khatami បានថ្លែងក្នុងធម្មទេសនា កាលពីថ្ងៃសុក្រដែលផ្សាយតាមវិទ្យុរដ្ឋ ។
ដោយហៅក្រុមបាតុករថាជាទាហានរបស់លោក Donald Trumpនិងអះអាងថាពួកគេជាកម្លាំងបំផ្លាញសន្តិសុខជាតិ។ សុន្ទរកថារបស់លោកបានបង្កឱ្យមានសំឡេងហ៊ោកញ្ជ្រៀវពីអ្នកចូលរួមអធិស្ឋាន ដែលមានការអំពាវនាវឱ្យប្រហារជីវិតអ្នកតវ៉ា។
ការអំពាវនាវនេះកើតឡើងបន្ទាប់ពីប្រធានាធិបតីសហរដ្ឋអាមេរិក លោក Donald Trump បានគំរាមថា អាមេរិកអាចអន្តរាគមន៍ ប្រសិនបើអាជ្ញាធរអ៊ីរ៉ង់បន្តប្រើអំពើហិង្សាលើក្រុមបាតុករ៕