មេដឹកនាំកំពូលអ៊ីរ៉ង់ លោកAyatollah Ali Khamenei បានហៅប្រធានាធិបតីសហរដ្ឋអាមេរិក លោកDonald Trump ថាជាឧក្រិដ្ឋជននិងចោទប្រកាន់ថា សហរដ្ឋអាមេរិកជាអ្នកជំរុញឲ្យមានភាពចលាចលដែលនាំឲ្យកើតមានការតវ៉ាដ៏សាហាវបំផុតក្នុងប្រទេសអ៊ីរ៉ង់។
ប្រភពពីសារព័ត៌មានFoxnew នៅថ្ងៃទី១៧ខែមករា។
តាមប្រព័ន្ធផ្សព្វផ្សាយអ៊ីរ៉ង់ដែលដកស្រង់ដោយ Reuters លោក Khamenei បាននិយាយថា ការតវ៉ាលើកនេះខុសពីមុនៗដោយសារប្រធានាធិបតីអាមេរិកផ្ទាល់បានចូលរួម។ រដ្ឋាភិបាលអ៊ីរ៉ង់បានបន្តស្តីបន្ទោសសហរដ្ឋអាមេរិក និងអ៊ីស្រាអែល ថាជាអ្នកជំរុញឲ្យមានអស្ថិរភាពក្នុងប្រទេស ខណៈទីក្រុងតេអេរ៉ង់អះអាងថា ភាពចលាចលទាំងនេះត្រូវបានជំរុញពីបរទេស៕