កាលពីថ្ងៃទី16 ខែមករា ឆ្នាំ2026 ប្រធានាធិបតីសហរដ្ឋអាមេរិក លោកDonald Trump បានប្រកាសថា រដ្ឋបាលរបស់លោកនឹងវិនិយោគថវិកា50 ពាន់លានដុល្លារ ក្នុងរយៈពេលប្រាំឆ្នាំ ដើម្បីពង្រឹងសេវាថែទាំសុខភាពនៅក្នុងសហគមន៍ជនបទទូទាំងប្រទេស។
ប្រភពពីសារព័ត៌មានAnadolu agency។
ថ្លែងនៅក្នុងកិច្ចពិភាក្សាតុមូលនៅសេតវិមាន លោក Trump បាននិយាយថា កម្មវិធីផ្លាស់ប្តូរសុខភាពជនបទនេះនឹងផ្តល់អត្ថប្រយោជន៍ដល់ប្រជាជនអាមេរិកនៅ រដ្ឋទាំង 50។ លោកបានបញ្ជាក់ថា ថវិកានេះកើតចេញពីការកាត់បន្ថយកាកសំណល់ ការក្លែងបន្លំ និងការរំលោភបំពាន ក្នុងកម្មវិធី Medicaid ហើយយកប្រាក់សន្សំមកវិនិយោគឡើងវិញទៅក្នុងមន្ទីរពេទ្យ និងសហគមន៍ជនបទ។
តាមលោក Trump មូលនិធិនេះនឹងត្រូវប្រើសម្រាប់ ពង្រឹងសមត្ថភាពមន្ទីរពេទ្យជនបទ, បង្កើនកម្លាំងពលកម្មវេជ្ជសាស្ត្រ, និង ធ្វើទំនើបកម្មសម្ភារៈ និងបច្ចេកវិទ្យា ដើម្បីធានាថាប្រជាជនជនបទទទួលបានការថែទាំសុខភាពល្អប្រសើរជាងមុន និងទាន់ពេលវេលា៕