ប្រធានាធិបតីអាមេរិក លោក ដូណាល់ ត្រាំ កំពុងមានគំនិតបង្កើតក្រុមប្រឹក្សាសន្តិភាពមួយ ដើម្បីដោះស្រាយជម្លោះសកលផ្សេងៗទៀត។
ប្រភពពីសារព័ត៌មានAl Jazeera នៅថ្ងៃទី 18 ខែមករា ឆ្នាំ 2026។
យោងតាមលិខិតអញ្ជើញ និងធម្មនុញ្ញ ដែលលោក Trump ផ្ញើទៅកាន់មេដឹកនាំពិភពលោកមួយចំនួន ស្ថាប័ននេះត្រូវបានគេពិពណ៌នាថា ជាវិធីសាស្ត្រថ្មីមួយ សម្រាប់ការលើកកម្ពស់សន្តិភាព ស្ថិរភាព ការស្តារអភិបាលកិច្ច និងការកសាងឡើងវិញនៅតំបន់ដែលរងជម្លោះ ដោយមិនកំណត់ត្រឹមតំបន់ហ្គាហ្សាទេ។
ប្រភពការទូតមួយចំនួនបានពណ៌នាក្រុមប្រឹក្សានេះថា ជា អង្គការសហប្រជាជាតិរបស់លោក Trump ខណៈមន្ត្រីអាមេរិកខ្លះអះអាងថា ការពង្រីកតួនាទីរបស់វានៅតែជាសេចក្តីប្រាថ្នា និងមិនមានបំណងជំនួសអង្គការសហប្រជាជាតិឡើយ។
ទោះជាយ៉ាងណា រដ្ឋបាលលោក Trump បានបញ្ជាក់ថា ក្រុមប្រឹក្សាសន្តិភាពនឹងផ្តោតលើតំបន់ហ្គាហ្សាជាមុន ដោយមានសមាជិកលេចធ្លោដូចជា លោក Tony Blair លោក Jared Kushner និងមន្ត្រីអន្តរជាតិជាច្រើនរូប ខណៈមេដឹកនាំពីប្រទេសផ្សេងៗ រួមទាំងតួកគី អេហ្ស៊ីប និងសហភាពអឺរ៉ុប ក៏ត្រូវបានអញ្ជើញឱ្យចូលរួមផងដែរ៕