អាជ្ញាធរអាកាសចរណ៍ឥណ្ឌា បានដាក់ពិន័យប្រាក់ចំនួន2.45 លានដុល្លារ លើក្រុមហ៊ុនអាកាសចរណ៍ IndiGo ដែលជាក្រុមហ៊ុនធំជាងគេរបស់ប្រទេស បន្ទាប់ពីក្រុមហ៊ុននេះបានលុបចោលជើងហោះហើររាប់រយជើងទូទាំងប្រទេស បណ្តាលឲ្យអ្នកដំណើររងការរំខានយ៉ាងធ្ងន់ធ្ងរ។
ប្រភពពីសារព័ត៌មានReuters នៅថ្ងៃទី 18 ខែមករា ឆ្នាំ 2026។
ក្រៅពីការផាកពិន័យនេះ អាជ្ញាធរបានបញ្ជាឲ្យ IndiGo ផ្តល់ ការធានាពីធនាគារចំនួន 5.51 លានដុល្លារ ដើម្បីធានាការអនុវត្តតាមបទប្បញ្ញត្តិ និងការការពារសិទ្ធិអ្នកដំណើរនាពេលអនាគត។
ករណីនេះត្រូវបានចាត់ទុកថា ជាសញ្ញាព្រមានដ៏តឹងរ៉ឹងពីរដ្ឋាភិបាលឥណ្ឌា ចំពោះក្រុមហ៊ុនអាកាសចរណ៍ដែលបរាជ័យក្នុងការគ្រប់គ្រងប្រតិបត្តិការ និងការផ្តល់សេវាកម្មសាធារណៈ៕