កាលពីថ្ងៃទី17 ខែមករា ឆ្នាំ 2026 ប្រធានាធិបតីបណ្តោះអាសន្នរបស់ប្រទេសវេណេស៊ុយអេឡា លោកស្រី Delcy Rodriguez បានចាត់វិធានការយ៉ាងរហ័សដើម្បីពង្រឹងអំណាចផ្ទាល់ខ្លួន បន្ទាប់ពីសហរដ្ឋអាមេរិកបានចាប់ខ្លួនប្រធានាធិបតី Nicolas Maduro។ ក្នុងរយៈពេលត្រឹម 12 ថ្ងៃ លោកស្រីបានតែងតាំងអ្នកស្មោះត្រង់ទៅកាន់មុខតំណែងសំខាន់ៗ ដើម្បីទប់ស្កាត់ការគំរាមកំហែងពីក្នុងរដ្ឋាភិបាល និងធានាការគាំទ្រពីវ៉ាស៊ីនតោន សម្រាប់ការកើនឡើងផលិតកម្មប្រេង។
ប្រភពពីសារព័ត៌មានReuters។
វិធានការសំខាន់មួយ គឺការតែងតាំងឧត្តមសេនីយ៍ Gustavo Gonzalez ជាប្រធានថ្មីនៃទីភ្នាក់ងារប្រឆាំងចារកម្មយោធា DGCIM។
ប្រភពជិតស្និទ្ធនឹងរដ្ឋាភិបាលបានឲ្យដឹងថា លោកស្រី Rodriguez កំពុងកែទម្រង់កងកម្លាំងប្រដាប់អាវុធ ដកមន្ត្រីចាស់ៗ និងតែងតាំងមន្ត្រីថ្មីៗ ដើម្បីធានាការគ្រប់គ្រងផ្ទៃក្នុង។ ជាមួយគ្នានេះ លោកស្រីក៏កំពុងចរចាជាមួយរដ្ឋបាលលោក Donald Trump ស្តីពីការលក់ប្រេង ដោយសង្ឃឹមថា ការគាំទ្រពីសហរដ្ឋអាមេរិក នឹងជួយឲ្យរដ្ឋាភិបាលបណ្តោះអាសន្នរបស់នាងអាចរស់រានមានស្ថិរភាពបាន៕