(កំពង់ស្ពឺ)៖ ជុំវិញករណីវ៉ៃគ្នា នៅរោងការ ផ្អើលពេញបណ្តាញសង្គម ពេលនេះកងរាជអាវុធហត្ថខេត្តកំពង់ស្ពឺ បានឃាត់ខ្លួនជនសង្ស័យ៤នាក់ បញ្ជូនទៅ សាលាដំបូងខេត្តកំពង់ស្ពឺ.!។
សូមជម្រាបថា ករណីនេះបានកើតឡើងកាលពីវេលាម៉ោងប្រមាណជ២២:៣០នាទី នាថ្ងៃទី១៣ ខែមករា ឆ្នាំ២០២៦ នៅចំណុចកម្មពិធីរៀបអាពាហ៍ពិពាហ៍មួយ នៅក្នុងភូមិប្រវឹកពង ឃុំទឹកល្អក់ ស្រុកគងពិសី ខេត្តកំពង់ស្ពឺ។
ជនសង្ស័យទី១៖ ឈ្មោះ ម៉ែន ថា ភេទប្រុស អាយុ ៣៦ឆ្នាំ មុខរបរកម្មកររោងចក្រ(ឃាត់ខ្លួន)។
ទី២៖ ឈ្មោះ ខេន ណារ៉ុម ភេទប្រុស អាយុ៤៥ឆ្នាំ មុខរបរកម្មកររោងចក្រ(ឃាត់ខ្លួន)។
ទី៣៖ ឈ្មោះ មៀច សំអុល ភេទប្រុស អាយុ៤៤ឆ្នាំ មុខរបរកម្មកររោងចក្រ(ឃាត់ខ្លួន)។
និងទី៤៖ ឈ្មោះ សាយ ពិសិទ្ធ ភេទប្រុស អាយុ៣៦ឆ្នាំ មុខរបរកម្មកររោងចក្រ(ឃាត់ខ្លួន)។
ជនសង្ស័យទាំង០៤នាក់នេះ មានទីលំនៅបច្ចុប្បន្ន ភូមិប្រវឹងពង ឃុំទឹកល្អក់ ស្រុកគងពិសី ខេត្តកំពង់ស្ពឺ វត្ថុតាងបានរួមមានទូរស័ព្ទដៃចំនួន០៤គ្រឿង។
សេចក្តីរាយការណ៍បានឱ្យដឹងថា ជនសង្ស័យទាំង០៤នាក់ រួមនិងបក្ខពួក ជាសាច់ញ្ញាតខាងកូនក្រមុំ បានទៅចូលរួមក្នុងកម្មវិធីរៀបមង្គលការ។
ក៏មានភ្ញៀវទាំងសង្ខាងបានឡើងរាំលេងកម្សាន្តសប្បាយ ហើយ ក្នុង ពេលនោះ មានភ្ញៀវខ្លះបានរាំច្រង៉េងច្រង៉ាង យកជើងឈូស។
ក្នុងលក្ខណៈឌឺដងដាក់គ្នាជាមួយភ្ញៀវខាងកូនកំលោះ ហើយក៏បានបង្កជាអំពើហិង្សាវាយតប់គ្នាទៅវិញទៅមក ។
ដោយបានយកកែវ ចានគប់គ្នាទៅវិញទៅមក បណ្តាលឱ្យមានអ្នករងរបួសជាច្រើននាក់ ជាពិសេសក្មេងប្រុសម្នាក់ដែលគ្នាមិនដឹងអី បានរងរបួសដៃដេរជាច្រើនថ្នេរ យ៉ាងធ្ងន់ធ្ងរ ត្រូវបានក្រុមគ្រួសារបញ្ជូនទៅពេទ្យ។
ក្រោយពីទទួលនូវព័ត៌មានមេបញ្ជាការ កងរាជអាវុធហត្ថខេត្តកំពង់ស្ពឺ បានបញ្ជា យ៉ាងមុឺងម៉ាត់ឲ្យកម្លាំងមន្ទីរស្រាវជ្រាវ និងបង្រ្កាបបទល្មើសសហការណ៍ជាមួយកម្លាំងមូលដ្ឋានស្រុកគងពិសី ធ្វើការចុះស្រាវជ្រាវ កំណត់មុខសញ្ញាជនបង្ក និងឈានដល់ធ្វើការឃាត់ខ្លួនជនសង្ស័យជាបន្តបន្ទាប់បានចំនួន០៤នាក់ តែម្តង។
បច្ចុប្បន្ន ជនសង្ស័យទាំង៤នាក់ខាងលើ រត្រូវបានកម្លាំង ជំនាញកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅសាលាដំបូងខេត្តកំពង់ស្ពឺ៕