នៅថ្ងៃចន្ទទី១៩ ខែមករា ឆ្នាំ២០២៦ ប្រធានាធិបតីហ្វីលីពីន លោក Ferdinand Marcos Jr បានប្រកាសថាប្រទេសហ្វីលីពីន បានរកឃើញឧស្ម័នធម្មជាតិ និងសារធាតុ condensate នៅអណ្តូងថ្មីមួយនៅជិតវាលឧស្ម័ន Malampaya លើកោះ Palawan ដែលជាការរកឃើញឧស្ម័នធម្មជាតិលើកដំបូងក្នុងរយៈពេលជាង ១០ ឆ្នាំមកនេះ។
ប្រភពពីសារព័ត៌មាន Reuters។
អណ្តូងដែលមានឈ្មោះ Malampaya East One (MAE-1) ត្រូវបានប៉ាន់ប្រមាណថាមានផ្ទុកឧស្ម័នប្រហែល ៩៨ ពាន់លានហ្វីតគូប ដែលអាចផលិតអគ្គិសនីបានជិត ១៤ពាន់លានគីឡូវ៉ាត់ម៉ោង។
អាជ្ញាធរបានចាត់ទុកការរកឃើញនេះថា មានសារៈសំខាន់ចំពោះសន្តិសុខថាមពលរបស់ប្រទេស និងអាចជួយកាត់បន្ថយការពឹងផ្អែកលើការនាំចូលថាមពល ពីបរទេស៕