យោធាសហរដ្ឋអាមេរិកបានប្រកាសថា ខ្លួនបានរឹបអូសកប៉ាល់ដឹកប្រេងទី៧ ដែលមានទំនាក់ទំនងជាមួយប្រទេសវេណេស៊ុយអេឡា ខណៈដែលរដ្ឋាភិបាលវ៉ាស៊ីនតោនកំពុងរឹតបន្តឹងការគ្រប់គ្រងលើការផលិត និងការលក់ប្រេងរបស់ប្រទេសអាមេរិកឡាទីនមួយនេះ។
ប្រភពពីសារព័ត៌មានAl Jazeeraនៅថ្ងៃទី២១ខែមករា។
បញ្ជាការភាគខាងត្បូងសហរដ្ឋអាមេរិក (SOUTHCOM) បានបញ្ជាក់ថា កប៉ាល់ Sagitta ត្រូវបានចាប់នៅក្នុងសមុទ្រការ៉ាប៊ីន ដែលជាផ្នែកមួយនៃយុទ្ធនាការបិទផ្លូវនាវាប្រេងដែលចេញ និងចូលវេណេស៊ុយអេឡា។ SOUTHCOM បានអះអាងថា វិធានការនេះមានគោលបំណងធានាថា ប្រេងដែលនាំចេញពីប្រទេសនេះត្រូវតែស្របច្បាប់ និងស្ថិតក្រោមការគ្រប់គ្រងដែលបានអនុញ្ញាតដោយសហរដ្ឋអាមេរិក៕