ក្នុងសុន្ទរកថា នៅវេទិកាសេដ្ឋកិច្ចពិភពលោកទីក្រុង Davos ប្រធានាធិបតីសហរដ្ឋអាមេរិក Donald Trump បានអះអាងថា សហរដ្ឋអាមេរិក ធ្លាប់កាន់កាប់កោះ Greenland ក្នុងអំឡុងសង្គ្រាមលោកលើកទី២ ហើយបានប្រគល់វាត្រឡប់ទៅដាណឺម៉ាកវិញបន្ទាប់ពីសង្គ្រាមបញ្ចប់។ ទោះជាយ៉ាងណា អ្នកជំនាញប្រវត្តិសាស្ត្រ និង PolitiFact បញ្ជាក់ថា ការអះអាងនេះមិនត្រឹមត្រូវឡើយ។
ប្រភពពីសារព័ត៌មានAl Jazeera នៅថ្ងៃទី២៣ ខែមករា។
សហរដ្ឋអាមេរិក បានទទួលខុសត្រូវការពារ Greenland បន្ទាប់ពីអាល្លឺម៉ង់ឈ្លានពានដាណឺម៉ាកក្នុងសង្គ្រាមលោកលើកទី២ និងបានបង្កើតមូលដ្ឋានយោធានៅទីនោះ ប៉ុន្តែមិនដែលមានអធិបតេយ្យភាព ឬគ្រប់គ្រងទឹកដីនេះឡើយ។
ដូច្នេះ សហរដ្ឋអាមេរិកមិនអាចប្រគល់Greenland ត្រឡប់ទៅដាណឺម៉ាកវិញបានទេ ព្រោះកោះនេះតែងតែជាផ្នែកមួយនៃដាណឺម៉ាក៕