រដ្ឋមន្ត្រីការបរទេសទួរគី លោក Hakan Fidan បានព្រមានថា អ៊ីស្រាអែលកំពុងស្វែងរកឱកាសដើម្បីវាយប្រហារលើប្រទេសអ៊ីរ៉ង់ ដែលអាចនាំឱ្យតំបន់មជ្ឈិមបូព៌ាកាន់តែអស្ថិរភាព។
ប្រភពពីសារព័ត៌មានAl Jazeera នៅថ្ងៃទី២៤ខែមករា។
លោក Fidan បញ្ជាក់ថា លោកបានបង្ហាញការព្រួយបារម្ភនេះដោយផ្ទាល់ទៅកាន់មន្ត្រីអ៊ីរ៉ង់ ក្នុងអំឡុងពេលដំណើរទស្សនកិច្ចថ្មីៗទៅកាន់ទីក្រុងតេអេរ៉ង់ ដោយសង្កត់ធ្ងន់ថា មិត្តពិតត្រូវនិយាយការពិត ទោះបីជាជូរចត់ក៏ដោយ។
ការព្រមាននេះកើតឡើងក្រោយពេលប្រធានាធិបតីទួរគី លោក Recep Tayyip Erdogan ប្រាប់ប្រធានាធិបតីអ៊ីរ៉ង់ លោក Masoud Pezeshkian តាមទូរស័ព្ទថា ទួរគីប្រឆាំងនឹងការជ្រៀតជ្រែកពីបរទេសណាមួយលើអ៊ីរ៉ង់ និងគាំទ្រសន្តិភាព និងស្ថិរភាពរបស់ប្រទេសជិតខាង៕