រដ្ឋបាលប្រធានាធិបតីអាមេរិក លោក Donald Trump បានប្រកាសពីការវាយប្រហារទូកចុងក្រោយនៅក្នុងដែនទឹកអន្តរជាតិ នៃភាគខាងកើតមហាសមុទ្រប៉ាស៊ីហ្វិក ដែលបណ្តាលឱ្យមនុស្ស ២ នាក់ស្លាប់ និងបាត់ខ្លួនម្នាក់។ ការវាយប្រហារនេះធ្វើឱ្យចំនួនអ្នកស្លាប់សរុបពីយុទ្ធនាការវាយប្រហារតាមទូករបស់សហរដ្ឋអាមេរិកកើនដល់ប្រហែល ១២៥នាក់ ចាប់តាំងពីខែកញ្ញា ឆ្នាំមុន។
ប្រភពពីសារព័ត៌មានAl Jazeera នៅថ្ងៃទី២៤ខែមករា។
បញ្ជាការភាគខាងត្បូងសហរដ្ឋអាមេរិកអះអាងថា ទូកដែលត្រូវបានវាយប្រហារនោះពាក់ព័ន្ធនឹងបណ្តាញជួញដូរគ្រឿងញៀន និងត្រូវបានកំណត់ថាជាអង្គការភេរវកម្ម។ ទោះជាយ៉ាងណា អង្គការសិទ្ធិមនុស្ស និងអ្នកតាក់តែងច្បាប់ជាច្រើនបានបង្ហាញការព្រួយបារម្ភយ៉ាងខ្លាំង ដោយប្រៀបធៀបការវាយប្រហារទាំងនេះទៅនឹងការសម្លាប់ក្រៅប្រព័ន្ធតុលាការ និងចោទសួរអំពីមូលដ្ឋានច្បាប់នៃប្រតិបត្តិការ៕