អ្នកចរចាអ៊ុយក្រែន និងរុស្ស៊ី បានជួបពិភាក្សាត្រីភាគីជាមួយសហរដ្ឋអាមេរិក នៅទីក្រុងអាប៊ូដាប៊ីនៃប្រទេសអារ៉ាប់រួម ដើម្បីស្វែងរកដំណោះស្រាយបញ្ចប់សង្គ្រាមជិតបួនឆ្នាំ ខណៈបញ្ហាទឹកដីត្រូវបានដាក់ជាចំណុចសំខាន់បំផុតលើរបៀបវារៈ។
ប្រភពពីសារព័ត៌មានAl Jazeera នៅថ្ងៃទី២៤ខែមករា។
កិច្ចចរចានេះ គឺជាការពិភាក្សាជាសាធារណៈដោយផ្ទាល់លើកដំបូងរវាងទីក្រុងគៀវ និងទីក្រុងមូស្គូ តាមផែនការដែលត្រូវបានជំរុញដោយរដ្ឋបាលសហរដ្ឋអាមេរិក។ ក្រសួងការបរទេសអារ៉ាប់រួមបានអះអាងថា កិច្ចពិភាក្សានឹងបន្តរយៈពេលពីរថ្ងៃ ដើម្បីលើកកម្ពស់ការសន្ទនា និងដំណោះស្រាយនយោបាយ។
ប្រធានាធិបតីអ៊ុយក្រែន លោក Volodymyr Zelenskyy បានបញ្ជាក់ថា បញ្ហាទឹកដីជាចំណុចកណ្តាល ប៉ុន្តែបានសង្កត់ធ្ងន់ថា រុស្ស៊ីត្រូវតែត្រៀមខ្លួនបញ្ចប់សង្គ្រាមដែលខ្លួនបានចាប់ផ្តើម៕