ប្រធានាធិបតីសហរដ្ឋអាមេរិក លោកDonald Trump បានសរសើរកងទ័ពចក្រភពអង់គ្លេសយ៉ាងខ្លាំង តាមរយៈបណ្ដាញសង្គម បន្ទាប់ពីទទួលរងការរិះគន់ពីនាយករដ្ឋមន្ត្រីអង់គ្លេស Keir Starmer ចំពោះការអត្ថាធិប្បាយរបស់លោកអំពីតួនាទីកងទ័ពអឺរ៉ុបក្នុងសង្គ្រាមអាហ្វហ្គានីស្ថាន។
ប្រភពពីសារព័ត៌មានAl Jazeera នៅថ្ងៃទី២៥ខែមករា។
លោក Trump បានទទួលស្គាល់ការលះបង់របស់ទាហានអង់គ្លេស ដែលមានចំនួន ៤៥៧ នាក់បានស្លាប់ និងជាច្រើននាក់ទៀតរងរបួសធ្ងន់ធ្ងរ ដោយពណ៌នាពួកគេថា ជាអ្នកចម្បាំងដ៏អស្ចារ្យបំផុត និងអះអាងថាចំណងរវាងសហរដ្ឋអាមេរិក និងចក្រភពអង់គ្លេស គឺរឹងមាំមិនអាចបំបែកបាន។
ការសរសើរនេះ បានកើតឡើងបន្ទាប់ពីលោក Starmer ថ្លែងថា ការអត្ថាធិប្បាយរបស់លោក Trump ក្នុងវេទិកាសេដ្ឋកិច្ចពិភពលោកនៅ Davos គឺជាការប្រមាថនិងគួរឱ្យរន្ធត់ ហើយបានបញ្ជាក់ថា ប្រសិនបើជាលោកផ្ទាល់ នឹងសុំទោសចំពោះពាក្យបែបនោះ៕