អាជ្ញាធរឥណ្ឌូនេស៊ី បានបន្តប្រតិបត្តិការស្វែងរក និងជួយសង្គ្រោះមនុស្សរាប់សិបនាក់ដែលបាត់ខ្លួន។
បន្ទាប់ពីការរអិលបាក់ដីដ៏ធ្ងន់ធ្ងរមួយបានកើតឡើងនៅតំបន់បានឌុងភាគខាងលិចខេត្តជ្វា ដោយសារភ្លៀងធ្លាក់ខ្លាំងជាបន្តបន្ទាប់។
ប្រភពពីសារព័ត៌មានCNA នៅថ្ងៃទី២៥ខែមករា។
យ៉ាងហោចណាស់មនុស្ស ១១ នាក់ត្រូវបានបញ្ជាក់ថាស្លាប់ ខណៈប្រហែល ៨០ នាក់នៅតែបាត់ខ្លួន ដែលគេភ័យខ្លាចថាអាចត្រូវបានកប់ក្រោមភក់ ថ្ម និងដើមឈើដែលរលំ។
ផ្ទះសម្បែងជាច្រើនត្រូវបានបំផ្លាញ ដោយខ្លះត្រូវបានកប់រហូតដល់កម្រិតដំបូល។
ប្រជាជនប្រមាណ២៣០ នាក់ដែលរស់នៅក្បែរកន្លែងកើតហេតុ ត្រូវបានជម្លៀសទៅកាន់ជម្រកបណ្តោះអាសន្នរបស់រដ្ឋាភិបាល ដើម្បីធានាសុវត្ថិភាព៕